Dorretxe zaharreko misterioa

Fernando Morillo
Ibaizabal, 2002
Eleberria

Iruzkin 2
2016-03-29 2 iruzkin

Abandonaturiko dorretxe misteriotsu bat, burutik egindako marinel zahar eta kondairazalea, San Joan suaren magia, mamu uluak… Andonik eta bere lagunek ikaragarrizko abentura izango dute.

Paulo VI auzoko lagun-taldean herriko San Joan surik handiena egin nahi dute. Ez dira guztiz ondo ari, ordea, albokoena handiagoa baita. Zer egin dezakete irabazteko? Horretan dihardutela, eta gutxi balitz bezala, Intzak lagun berri bat ekartzen du auzora: Aiora. Andoni liluratuta gelditzen da etorri berriarekin eta begiratu besterik ezin dio egin. Aioraren begiradan misterioren bat ezkutatzen dela susmatzen du. Ederki ziurtatzeko aukera izango du abenturak aurrera egin ahala .

Bitartean, San Joan Surako erregai bila ibiliko dira. Zergatik ez sartu abandonatutako dorretxe zaharrean? Zergatik ez hartu hango altzariak-eta? Dorretxera hurbiltzean, ordea, zaratak entzungo dituzte. Zarata arraroak. Arnasots beldurgarriak. Pixkanaka, gainera, abandonaturiko dorretxearen inguruko zenbait istorio ezagutuko dituzte… Istorio ilunak. Ez ote zen, ba, mamuren bat egongo horma haien artean, ezta? Nolanahi ere, lagun-taldeak sartzea erabakiko du… Beldurrak blai amaituko dute. Eta baita beraien bizitzako abentura bizitzen ere.

2 iruzkin "Dorretxe zaharreko misterioa"

  1. Anna
    Anna
    2019-03-06 Zuazola

    Protagonistak dira, Andoni, Aiora, Pixbe, Mikel, Intza, Gari eta Iker. Koadrila bat dira eta Andoniri Aiora gustatzen zaio. Beraien herrian dorretxe zahar bat dago eta egun baten joatea erabaki zuten.

    Nire ustez, oso azkar irakurtzen den ipuin bat da. Istorioan zehar misterio asko daude. Niri asko gustatu zait.

  2. Josu
    Josu
    2016-03-31 Kurutziaga ikastola

    Protagonistak, Andoni, Aiora, Pixbe, Mikel, Gari, Iker eta Intza dira. Andoniri Aiora gustatzen zaio. Koadrilakoen herrian dorretxe abandonatu bat dago. Intriga zuten eta egun baten joatea erabaki zuten. Han Andoniri asko gustatu zitzaion gauza bat deskubritu zuten.

    Nire ustez, 100 or. izan arren oso liburu arina da, istorioan zehar misterio asko daudelako eta pixkanaka-pixkanaka ezagutzen goaz. Horregatik amaierararte irakurri nahi nuen. Irakurtzen dibertitu nahi baduzu liburu hau gomedatzen dizut

Zure iritzia partekatu nahi duzu?

Zure eposta ez da argitaratuko. Derrigorrezko eremuak * bidez markatuta daude

Utzi erantzuna