Josu azalaren abenturak

Iñaki Zubeldia
Ibaizabal, 2006
Eleberria

Izugarrizko buru gogorra du Josu Azalak, autoak puskatzeko adinakoa… Misiolari izan nahi du, horixe da bere bokazioa. Apeztegian dagoeneko bihurrikeriei begira inork ez luke pentsatuko bere bokazioaren nondik norakoa. Umorezko tonuan kontatzen zaizkigu Josu Azalaren bitxikeriak.

Erantzun bat “Josu azalaren abenturak” bidalketan

  1. Markel Aristi Antoniano

    Josu da istorio honen protagonista dibertigarri eta berezia. Josuk betidanik sentitu du apaiza izateko gogoa, beraz, beldurrik gabe abiatuko da Bilboko apaiztegira. Bertan, lagun euskaldun ugari egingo ditu eta primeran pasatuko du haiekin hainbat abentura biziz. Kontuan izan beharra dago, Josuk ez duela gaztelania ongi menderatzen. Beraz, hizkuntza aldetik dituzten ezberdintasun horiek, umore kutsu bat erantsiko diote eleberriari.

    Horrez gain, erronka desberdinak bururatuko zaizkio Josuri, eta bere lagun taldearekin denbora asko pasako dute horretan, hala nola, bost metroko zuhaitz batetik salto egin, igerilekuko ur hotzetan barrena urperatu, San Juan suan salto eginez hanka erretzea edota futbolera jolastea nahiz eta orkatila okertuta izan. Nork ez du nahi horrelako lagun talde bat?

    Bukatzeko, liburu hau oso azkar irakurtzen dela aitortu beharra dut, izan ere, esan beharra dago istorioa dibertigarria eta interesgarria denez, gustora irakurtzea bultzatzen duela irakurlea.

    Beraz… zeren zain zaude? Animatu zaitez irakurtzera!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude