Eta ez zen alerik ere geratu

Agatha Christie
Igela argitaletxea, 2005
Eleberria

Zortzi pertsona, elkar ezagutzen ez dutenak, ingeles kostaldeko uharte batera gonbidatu dituzte. Vera Claythornek uste du idazkaritarako kontratatu dutela; Philip Lombard, abenturazale bat, eta William Blore, detektibe-ohia, ziur daude zaintzaile lanetan aritzeko kontratatu dituztela; Armstrong doktoreak uste du uhartearen jabearen emaztea zaintzeko behar dituztela beraren zerbitzuak. Eta Emily Brent, Mac Arthur jenerala, Tony Marsten eta Wargrave epailea, berriz, aspaldiko lagunak bisitatzera gonbidatuak direlakoan daude.

Uhartera iristen direnean, Rogers senar-emazteek egiten diete harrera, etxezainak eta giltzariak alegia, eta esaten diete Owen jauna ez dela iritsiko hurrengo egunera arte. Gau horretan bapo afaldu ondoren, disko batean grabaturiko ahots batek bakoitzari hilketa bat leporatzen dio, eta konturatzen dira inork ez duela ezagutzen “Owen jaun” delako hori. Beraz, plan makur batek ekarri ditu guztiak uhartera. Zer egin eztabaidatzen ari direla, bertan hiltzen da Tony Marston, whisky pozoitua edanda …

Agatha Christie. Torquayn jaio zen 1890ean, eta literaturaren historian liburu gehiena saldu dituen nobelagilea izan da.

79 hilketa-nobela idatzi zituen, eta haren liburuak mundu zabaleko hizkuntza askotara itzuli izan dira. Bizi zelarik lortutako arrakasta ez zen hil zenean ere itzali (1976); horregatik merezi izan du «hilketaren erregina» izengoitia.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude